തിരുവനന്തപുരം:കെഎസ്ആര്ടിസി ബസുകളിലെ മുതിര്ന്ന പൗരന്മാര്ക്കായി സംവരണം ചെയ്ത സീറ്റുകളില് അനര്ഹമായി യാത്ര ചെയ്യുന്നവര്ക്കെതിരെ കര്ശന നടപടി.
സംവരണ സീറ്റ് അര്ഹരായ യാത്രക്കാര് ആവശ്യപ്പെട്ടിട്ടും ഒഴിഞ്ഞ് നല്കാത്തവരില് നിന്ന് 250 രൂപ പിഴ ഈടാക്കാന് നിര്ദേശം നല്കി.ഓര്ഡിനറി,ലിമിറ്റഡ് സ്റ്റോപ്പ്,ഓര്ഡിനറി സ്റ്റേജ് ക്യാരേജ് ബസുകളില് മുതിര്ന്ന പൗരന്മാര്ക്കായി ആകെ 20 ശതമാനം സീറ്റുകളാണ് സംവരണം ചെയ്തിരിക്കുന്നത്.ഇതില് പുരുഷന്മാര്ക്കും സ്ത്രീകള്ക്കും 10 ശതമാനം വീതമാണ് നീക്കിവെച്ചിരിക്കുന്നത്.
ഫാസ്റ്റ് പാസഞ്ചര് മുതല് മുകളിലേക്കുള്ള റിസര്വേഷന് ഇല്ലാത്ത സര്വീസുകളില് രണ്ട് സീറ്റുകളും മുതിര്ന്ന പൗരന്മാര്ക്കായി സംവരണം ചെയ്തിട്ടുണ്ട്.സംവരണ സീറ്റില് അര്ഹരല്ലാത്തവര് യാത്ര ചെയ്യുകയും,അര്ഹരായ മുതിര്ന്ന പൗരന്മാര് ആവശ്യപ്പെട്ടിട്ടും സീറ്റ് ഒഴിഞ്ഞുനല്കാതിരിക്കുകയും ചെയ്യുന്നു എന്ന വ്യാപക പരാതികളുടെ അടിസ്ഥാനത്തിലാണ് കെഎസ്ആര്ടിസി നടപടി ശക്തമാക്കുന്നത്.
മുതിര്ന്ന പൗരന്മാര്ക്ക് യാത്രാസൗകര്യം ഉറപ്പാക്കുന്നതിനും സംവരണ സംവിധാനത്തിന്റെ കൃത്യമായ പരിപാലനം ഉറപ്പ് വരുത്തുന്നതിനുമാണ് പുതിയ നിര്ദേശം നടപ്പാക്കുന്നതെന്ന് അധികൃതര് അറിയിച്ചു.
إرسال تعليق
Thanks