സ്നേഹനിലയം ട്രസ്റ്റ്ഫീ ൽഡ് വിസിറ്റ് സംഘടിപ്പിച്ചു

 

WPCO ഫീൽഡ് വിസിറ്റ് | സ്നേഹനിലയം ട്രസ്റ്റ്, പട്ടാമ്പി World Psychology Counsellors Organisation (WPCO) യുടെ നേതൃത്വത്തിൽ പാലക്കാട് ജില്ലയിലെ പട്ടാമ്പിയിലെ സ്നേഹനിലയം ട്രസ്റ്റിലേക്ക് ഒരു ഹൃദയസ്പർശിയായ ഫീൽഡ് വിസിറ്റ് സംഘടിപ്പിച്ചു.

11 വർഷമായി സ്നേഹത്തിന്റെയും കരുതലിന്റെയും വെളിച്ചമായി പ്രവർത്തിച്ചുവരുന്ന ഈ സ്ഥാപനത്തിൽ, അനാഥരായ അച്ഛനമ്മമാരും മാനസിക ബുദ്ധിമുട്ടുകൾ നേരിടുന്ന സഹോദരങ്ങളും ഉൾപ്പെടെ നിരവധി പേർ സുരക്ഷിതമായും സ്നേഹപൂർവമായും കഴിയുന്നു. അവരുടെ ജീവിതാനുഭവങ്ങൾ കേൾക്കുമ്പോൾ മനസ്സ് പലവട്ടം നിറഞ്ഞു. ഒരു പുഞ്ചിരിക്ക് പിന്നിൽ എത്ര വേദനകളുണ്ടാകാമെന്നും, ഒരു സ്നേഹസ്പർശം എത്ര വലിയ ആശ്വാസമാകാമെന്നും ഈ സന്ദർശനം ഞങ്ങളെ വീണ്ടും ഓർമ്മിപ്പിച്ചു.

ട്രസ്റ്റിന്റെ അധികൃതർ WPCO പ്രതിനിധികളെ ഹൃദയപൂർവ്വം സ്വാഗതം ചെയ്തു. തുടർന്ന് നടന്ന സൗഹൃദസംഗമത്തിൽ WPCO സ്റ്റേറ്റ് സെക്രട്ടറി Dr. മുനീർ ഉള്ളനം, സ്റ്റേറ്റ് ട്രഷറർ Dr. റാഷിദ, മറ്റ് ഔദ്യോഗിക അംഗങ്ങൾ എന്നിവർ സംസാരിച്ചു. സമൂഹത്തോടുള്ള കരുതൽ, മാനസികാരോഗ്യ ബോധവൽക്കരണം, സാമൂഹിക സേവനങ്ങളുടെ പ്രാധാന്യം എന്നിവയെക്കുറിച്ചുള്ള സന്ദേശങ്ങൾ എല്ലാവർക്കും പ്രചോദനമായി.