സമസ്ത കേരള സുന്നി വിദ്യാഭ്യാസ ബോര്‍ഡ് സ്മാര്‍ട്ട് സ്‌കോളര്‍ഷിപ്പ് എക്‌സാം ഫലം പ്രസിദ്ധീകരിച്ചു

  കോഴിക്കോട് : സമസ്‌ത കേരള സുന്നി വിദ്യാഭ്യാസ ബോർഡ് കേരളം, തമിഴ്നാട്, കർണാടക, ലക്ഷദ്വീപ്, സഊദി അറേബ്യ, ഖത്തർ, ഒമാൻ, യുഎഇ, കുവൈത്ത്, ബഹ്റൈൻ എന്നിവിടങ്ങളിലെ മദ്റസാ വിദ്യാർത്ഥികൾക്ക് വേണ്ടി 2025 നവംബർ 29ന് നടത്തിയ സ്‌മാർട്ട് സ്കോളർഷിപ്പ് മെയിൻ പരീക്ഷാ ഫലം പ്രഖ്യാപിച്ചു. പ്രിലിമിനറി, മെയിൻ എന്നീ രണ്ട് ഘട്ടങ്ങളിലാണ് പരീക്ഷ സംഘടിപ്പിച്ചത്. മൂന്നു മുതൽ 12 വരെ ക്ലാസുകളിലെ 122500 കുട്ടികൾ പ്രിലിമിനറി പരീക്ഷയിൽ പങ്കെടുത്തു. ഈ പരീക്ഷയിൽ 56 ശതമാനം മാർക്ക് സ്കോർ ചെയ്തവർക്കാണ് മെയിൻ പരീക്ഷ സംഘടിപ്പിച്ചത്. മെയിൻ പരീക്ഷയിൽ പങ്കെടുത്ത കുട്ടികളിൽ 9520 കുട്ടികൾ സ്കോളർഷിപ്പിന് അർഹരായി. ഒ.എം.ആർ. സാങ്കേതിക വിദ്യ ഉപയോഗിച്ചു നടത്തിയ പരീക്ഷയിൽ 3200 സെന്ററുകളിലായി 3500 ഇൻവിജിലേറ്റർമാരും 3200 ചീഫ് എക്സാമിനർമാരും 220 ഡിവിഷൻ സൂപ്രണ്ടുമാരും പരീക്ഷ നടത്തിപ്പിന് നേതൃത്വം നൽകി.

കമ്പ്യൂട്ടറൈസ്‌ഡ്‌ വാല്വേവേഷൻ സിസ്റ്റത്തിൽ ഒരാഴ്ച കൊണ്ട് മൂല്യനിർണയം പൂർത്തീകരിച്ചു. കാരന്തൂർ മർകസ് ഓഡിറ്റോറിയത്തിൽ നടന്ന ചടങ്ങിൽ ജനറൽ സെക്രട്ടറി കാന്തപുരം എ.പി അബൂബക്കർ മുസ്ലിയാർ റാങ്ക് ജേതാക്കളുടെയും സ്കോളർഷിപ്പിന് അർഹരായവരുടെയും പേര് വിവരങ്ങൾ പ്രഖ്യാപിച്ചു. ഇതോടനുബന്ധിച്ച് ചേർന്ന യോഗത്തിൽ പ്രൊഫസർ എ കെ അബ്ദുൽ ഹമീദ് സാഹിബ്, എൻ.അലി അബ്ദുല്ല, സിപി സൈതലവി മാസ്റ്റർ, ഡോ.അബ്ദുൽ അസീസ് ഫൈസി ചെറുവാടി, ഇ.യഅ്ഖൂബ് ഫൈസി, സുലൈമാൻ സഖാഫി കുഞ്ഞുകുളം, അബൂബക്കർ മാസ്റ്റർ പടിക്കൽ, അസീസ് ഫൈസി കാട്ടുകുളങ്ങര, ഫസൽ മാസ്റ്റർ മർകസ്, അബ്ദുദുറഹ്മാൻ മദനി ജെപ്പു, മജീദ് കക്കാട് എന്നിവ ർ സംബന്ധിച്ചു

ജനറൽ, ഇംഗ്ലീഷ് മീഡിയം, കർണാടക, ജി.സി.സി. എന്നീ നാല് യൂണിറ്റുകളിലായി 120 റാങ്ക് ജേതാക്കളുണ്ട്. ജനറൽ, ഇംഗ്ലീഷ് മീഡിയം സെക്ഷനുകളിൽ മൂന്നു മുതൽ 12 കൂടിയ ക്ലാസുകളിലെ ഒന്ന്, രണ്ട്, മൂന്ന് റാങ്കുകൾക്കർഹരായ 60 പ്രതിഭകൾക്കുള്ള സ്വർണ്ണ നാണയങ്ങളും മെറിറ്റ് സർട്ടിഫിക്കറ്റുകളും അവാർഡുകളും 2026 ജനുവരി 22ന് വ്യാഴാഴ്‌ച മർകസ് നോളജ് സിറ്റിയിൽ വെച്ച് നടക്കുന്ന സ്മാർട്ട് ഇവന്റസിൽ വിതരണം ചെയ്യും. കർണാടകയിലെയും ജി.സി.സി യിലെയും അവാർഡ്ദാനം പിന്നീട് സംഘടിപ്പിക്കും. കൂടുതൽ കുട്ടികളെ മത്സര പരീക്ഷയിൽ പങ്കെടുപ്പിച്ച ജനറൽ, ഇംഗ്ലീഷ് മീഡിയം മദ്റസകളിൽ നിന്ന് നിശ്ചിത മാനദണ്ഡമനുസരിച്ച് തെരഞ്ഞെടുക്കപ്പെട്ടവർക്ക് സ്‌മാർട്ട് മദ്റസ, സ്മാർട്ട് മുഅല്ലിം അവാർഡുകൾ നൽകും.അഞ്ചിൽ കൂടുതൽ കുട്ടികൾക്ക് സ്കോളർഷിപ്പ് ലഭിച്ച മദ്റസകളിലെ അധ്യാപകരുടെ മികവ് പരിഗണിച്ച് അധ്യാപകർക്ക് സ്‌മാർട്ട് -എക്സ് അവാർഡുകളും നൽകും.

വിദ്യാർത്ഥികളെയും, മുഅല്ലിംകളെയും, രക്ഷിതാക്കളെയും, സ്‌കൂൾ/മദ്റസാ മാനേജ്മെന്റ് ഭാരവാഹികളെയും സുന്നി വിദ്യാഭ്യാസ ബോർഡ് പ്രസിഡണ്ട് സയ്യിദ് അലി ബാഫഖി തങ്ങൾ, ജനറൽ സെക്രട്ടറി കാന്തപുരം എ പി അബൂബക്കർ മുസ്ലിയാർ, ട്രഷറർ സയ്യിദ് കുമ്പോൽ ആറ്റക്കോയ തങ്ങൾ എന്നിവർ പ്രത്യേകം അഭിനന്ദിച്ചു. റിസൾട്ട് -WWW.SAMASTHA.IN എന്ന വെബ്സൈറ്റിലും, മദ്റസാ ലോഗിനിലും ലഭ്യമാണ്.

ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി കേന്ദ്ര തലത്തിൽ റാങ്കിനർഹരായവർ 

ജനറൽ സെക്ഷൻ 

മൂന്നാം ക്ലാസ്: ഒന്നാം റാങ്ക് - മുഹമ്മദ് ഹിശാം ടി, അൽ മദ്റസതുൽ ഹസനിയ്യ, കൂട്ടാവിൽ, മലപ്പുറം ഈസ്റ്റ് ജില്ല, രണ്ടാം റാങ്ക് - അസ്‌ നസ്ല, നജാത്തുസ്വിബ്യാൻ മദ്റസ, അത്താണിക്കൽ, മലപ്പുറം വെസ്റ്റ് ജില്ല, മൂന്നാം റാങ്ക്- ഹാദിയ ഖദീജ, ഹയാതുൽ ഇസ്ലാം, ചീക്കിലോട്, കോഴിക്കോട് ജില്ല.

നാലാം ക്ലാസ്: ഒന്നാം റാങ്ക് - മുഹമ്മദ് എം.കെ, സിറാജുൽ ഉലൂം സുന്നി മദ്റസ, ഉരുമ്പിയിൽ, കണ്ണൂർ ജില്ല, രണ്ടാം റാങ്ക് -ഫാത്വിമ സഹ്റ എസ്.എസ്, താജുൽ ഉലമ മദ്റസ, കള്ളിക്കാട്, ആലപ്പുഴ ജില്ല, മൂന്നാം റാങ്ക്- മുഹമ്മദ് മാലിക്, സിറാജുൽ ഹുദാ മദ്റസ, മലമ്പുഴ, പാലക്കാട് ജില്ല.

അഞ്ചാം ക്ലാസ്: ഒന്നാം റാങ്ക് - ബർസ കെ, അൽ മദ്റസതുൽ ഹികമിയ്യ, പയ്യനാട്, മലപ്പുറം ഈസ്റ്റ് ജില്ല, രണ്ടാം റാങ്ക് -മുഹമ്മദ് ഹസീബ് ബി.കെ, സിറാജുൽ ഹുദാ മദ്റസ, ഹിദായത്ത് നഗർ, കാസർകോട് ജില്ല, മൂന്നാം റാങ്ക്- മുഹമ്മദ് ഇസ്മാഈൽ, ജൗഹരിയ്യ ബോർഡിംഗ്, ഏഴിപുറം, തിരുവനന്തപുരം ജില്ല.

ആറാം ക്ലാസ്: ഒന്നാം റാങ്ക് - ഫാത്വിമ ഫെസ്ലിൻ ജന്ന, നജാതുൽ ഇസ്ലാം മദ്റസ, മക്കോട്, കാസർകോട് ജില്ല, രണ്ടാം റാങ്ക് - മുഹമ്മദ് അമാൻ എം, ഖാദിമുൽ ഇസ്ല‌ാം സുന്നി മദ്റസ, വട്ടിപ്രം, കണ്ണൂർ ജില്ല, മൂന്നാം റാങ്ക്- ഫാത്വിമ ശിദ കെ, ഹയാതുൽ ഇസ്‌ലാം മദ്റസ, ദേവർകുളം, പാലക്കാട് ജില്ല.

ഏഴാം ക്ലാസ്: ഒന്നാം റാങ്ക് - ഹന്ന ഫാത്വിമ ടി, ബദ്രിയ്യ സുന്നി മദ്റസ, എക്കപറമ്പ്, മലപ്പുറം ഈസ്റ്റ് ജില്ല, രണ്ടാം റാങ്ക് -മുഹമ്മദ് സി.കെ, താജുൽ ഹുദാ സുന്നി മദ്റസ, അട്ടത്തോട്, മലപ്പുറം വെസ്റ്റ് ജില്ല, മൂന്നാം റാങ്ക്- മുഹമ്മദ് നബ്ഹാൻ ആർ, ഹയാതുൽ ഇസ്ല‌ാം മദ്റസ, ചീക്കിലോട്, കോഴിക്കോട് ജില്ല.

എട്ടാം ക്ലാസ്: ഒന്നാം റാങ്ക് - മിൻഹ ഫാത്വിമ, തൻവീറുസ്വിബ്‌യാൻ മദ്റസ, വാണിമേൽ, കോഴിക്കോട് ജില്ല, രണ്ടാം റാങ്ക് - മർയം ഹന്ന കെ.എൻ, നൂറുൽ ഹുദാ മദ്റസ, മേലെ തൈക്കാവ്, എറണാകുളം ജില്ല, മൂന്നാം റാങ്ക്- മുഹമ്മദ് സുധീർ ഹുസൈൻ, ഹിദായതുൽ ഇസ്ലാം മദ്റസ, പൻഹാൽ പാറപ്പുറം, തൃശൂർ ജില്ല.

ഒമ്പതാം ക്ലാസ്: ഒന്നാം റാങ്ക് - സഫ്ന, മുറബ്ബിൽ വിൽദാൻ, തമല്ലാകൽ, ആലപ്പുഴ ജില്ല, രണ്ടാം റാങ്ക് - ആയിഷ മിൻഹ, ഹയാതുൽ ഇസ്‌ലാം മദ്റസ, ചീക്കിലോട്, കോഴിക്കോട് ജില്ല, മൂന്നാം റാങ്ക്- ഫാത്വിമ റബീഅ, ഹിദായതുൽ ഇസ്‌ലാം അൽ ഹുദ, കല്ലന്തോട്, കോഴിക്കോട് ജില്ല.

പത്താം ക്ലാസ്: ഒന്നാം റാങ്ക് - നജ ഫാത്വിമ സി, അൽ ഹുദാ സുന്നി മദ്റസ, കുന്നളംചാലിൽ, വയനാട് ജില്ല, രണ്ടാം റാങ്ക് - ആമിന നജ സി, മനാറുൽ ഇസ്ലാം മദ്റസ, ചീരക്കുഴി, മലപ്പുറം ഈസ്റ്റ് ജില്ല, മൂന്നാം റാങ്ക്- ഫിസ ഫാത്വിമ പി, ബുസ്ത‌ാനുൽ ഉലൂം മദ്റസ, കാരിമുക്ക്, മലപ്പുറം ഈസ്റ്റ് ജില്ല.

പതിനൊന്നാം ക്ലാസ് : ഒന്നാം റാങ്ക് - ഐഷ

ഹിബ പി.കെ, മദ്റസതുൽ ഇസ്ആദ്, തെന്നല വെസ്റ്റ്, മലപ്പുറം വെസ്റ്റ് ജില്ല, രണ്ടാം റാങ്ക് - ഹലീമത് അംന, ലത്തീഫിയ്യ സെക്കണ്ടറി മദ്റസ, ശിറിയകുന്നിൽ, കാസർകോട് ജില്ല, മൂന്നാം റാങ്ക്- ഫാത്വിമ ഹന്ന പി.കെ, സി.എം.വി.എസ് സെക്കണ്ടറി മദ്റസ, പെരുവയൽ കല്ലേരി, കോഴിക്കോട് ജില്ല

പന്ത്രണ്ടാം ക്ലാസ്: ഒന്നാം റാങ്ക് - ആയിഷ രിഫ കെ.കെ, മദ്റസതുൽ ഫത്താഹ്, പയ്യടിമീത്തൽ, കോഴിക്കോട്, രണ്ടാം റാങ്ക് -ഫാത്വിമ നിയ എം, ഖാദിസിയ്യ സുന്നി മദ്റസ, കെ. പുരം, മലപ്പുറം വെസ്റ്റ് ജില്ല, മൂന്നാം റാങ്ക്- ഫാത്വിമ ഫർഹ, ഖാദിസിയ്യ സുന്നി മദ്റസ, കെ. പുരം, മലപ്പുറം വെസ്റ്റ് .