ചേളാരി: നവീകരിച്ച പടിക്കൽ മഹല്ല് ജുമുഅ മസ്ജിദിന്റെ ഉദ്ഘാടനവും സംയുക്ത നബിദിന റാലിയും 2026 സെപ്തംബർ 14 തിങ്കളാഴ്ച (ഇന്ന്) വിപുലമായ പരിപാടികളോടെ നടക്കും.
വൈകീട്ട് അസർ നമസ്കാരത്തിനു ശേഷം ആറങ്ങാട്ട് പറമ്പിൽ നിന്നാണ് ഉദ്ഘാടന വിളംബര ഘോഷയാത്രയും സംയുക്ത നബിദിന റാലിയും ആരംഭിക്കുന്നത്.
4:30-ന് പുറപ്പെടുന്ന റാലിയിൽ മഹല്ലിന്റെ വിവിധ ഭാഗങ്ങളിൽ പ്രവർത്തിക്കുന്ന പത്തോളം മദ്രസകളിലെ 3000വിദ്യാർത്ഥികൾ അണിനിരക്കും.
തുടർന്ന് വൈകീട്ട് 6:30-ന് പള്ളിയുടെ ഔദ്യോഗിക ഉദ്ഘാടന കർമ്മം നിർവ്വഹിക്കപ്പെടും.
സമാപനത്തോടനുബന്ധിച്ച് പള്ളി പരിസരത്ത് വെച്ച് മദ്രസ വിദ്യാർത്ഥികളുടെ മെഗാ ദഫ് മത്സരവും വിപുലമായപൊതുപരിപാടിയും സംഘടിപ്പിച്ചിട്ടുണ്ട്.
ഇരു സമസ്തകളിലെയും പണ്ഡിത നേതൃത്വവും മത-സാമൂഹിക രംഗത്തെ പ്രമുഖ നേതാക്കളും സയ്യിദന്മാരും ചടങ്ങിൽ സംബന്ധിക്കും.
സ്വാദിഖലി തങ്ങൾ ,കാന്തപുരം ഉസ്താദ് ,സയ്യിദ് ജിഫ്രി തങ്ങൾ ,ഇബ്രാഹീം ഖലീൽ തങ്ങൾ എന്നിവരുടെ സാന്നിധ്യം കൂടുതൽ സന്തോഷമാകും
പരിപാടികൾ വിജയകരമാക്കാൻ മുഴുവൻ ആളുകളുടെയും പൂർണ്ണ സഹകരണം ഭാരവാഹികൾ അഭ്യർത്ഥിച്ചു.
إرسال تعليق
Thanks