കക്കാടംപുറത്ത് സ്വകാര്യ ബസ്സും കാറും കൂട്ടി ഇടിച്ച് അപകടം

വേങ്ങര: കുന്നുംപുറം കക്കാടംപുറത്ത് ബസും കാറും തമ്മിൽ കൂട്ടിയിടിച്ച് വൻ അപകടം. 

അപകടത്തിൽ മേമാട്ടുപാറ സ്വദേശിയായ കാർ ഡ്രൈവർക്ക് പരിക്കേറ്റു. ഇയാളെ ഉടൻ തന്നെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.

കക്കാടംപുറം ജങ്ഷന് സമീപം ആണ് അപകടം സംഭവിച്ചത്. കൂട്ടിയിടിയുടെ ശക്തമായ ആഘാതത്തിൽ കാറിന്റെ മുൻഭാഗം പൂർണ്ണമായും തകർന്ന നിലയിലാണ്.

അപകടം നടന്നയുടനെ ഓടിക്കൂടിയ നാട്ടുകാരും മറ്റ് വാഹനങ്ങളിലെ യാത്രക്കാരും ചേർന്നാണ് കാറിനുള്ളിൽ കുടുങ്ങിയ ഡ്രൈവറെ പുറത്തെടുത്തത്. തുടർന്ന് ഇയാളെ ഉടൻ തന്നെ വിദഗ്ധ ചികിത്സയ്ക്കായി ആശുപത്രിയിലേക്ക് മാറ്റുകയായിരുന്നു.

അപകടത്തെ തുടർന്ന് കുന്നുംപുറം റൂട്ടിൽ അല്പസമയം ഗതാഗത തടസ്സം നേരിട്ടു. വിവരമറിഞ്ഞ് സ്ഥലത്തെത്തിയ നാട്ടുകാർ ചേർന്ന് അപകടത്തിൽപ്പെട്ട വാഹനങ്ങൾ റോഡിൽ നിന്നും മാറ്റി ഗതാഗതം പുനഃസ്ഥാപിച്ചു.