എസ്.എസ്.എൽ.സി വിജയികളെ ആദരിച്ച് ‘വോയ്‌സ് ഓഫ് ഡിസേബിൾഡ്’ നന്നമ്പ്ര കമ്മിറ്റി

​തിരൂരങ്ങാടി: എസ്.എസ്.എൽ.സി പരീക്ഷയിൽ ഉന്നത വിജയം കരസ്ഥമാക്കിയ മിടുക്കരെ വോയ്‌സ് ഓഫ് ഡിസേബിൾഡ് (Voice of Disabled) നന്നമ്പ്ര കമ്മിറ്റിയുടെ നേതൃത്വത്തിൽ ആദരിച്ചു. വിജയികളായ വിദ്യാർത്ഥികൾക്കുള്ള ക്യാഷ് അവാർഡും ഉപഹാരങ്ങളും ചടങ്ങിൽ വിതരണം ചെയ്തു.

​തെയ്യാലിങ്ങൽ SSMHSS-ലെ ഫാത്തിമ സൻഹ, വാളക്കുളം കെ.എം.എച്ച്.എസ്സിലെ (KMHS) അമീൻ, തിരൂരങ്ങാടി ജി.എച്ച്.എസ്.എസ്സിലെ (GHSS) ഫർഹാൻ എന്നീ വിദ്യാർത്ഥികളാണ് സംഘടനയുടെ ഉപഹാരങ്ങൾ ഏറ്റുവാങ്ങിയത്. നന്നമ്പ്ര വോയ്‌സ് ഓഫ് ഡിസേബിൾഡ് സെക്രട്ടറി റസീന ടീച്ചർ വിദ്യാർത്ഥികൾക്ക് പുരസ്കാരങ്ങൾ കൈമാറി.

​ചടങ്ങിൽ ജോയിന്റ് സെക്രട്ടറി റസീന ചെറുമുക്ക്, വൈസ് പ്രസിഡന്റ്‌ സുഹറ പാട്ടശേരി, ഉപദേശക സമിതി അംഗവും റിട്ടയേർഡ് പ്രഥമാധ്യാപകനുമായ ശശി മാഷ് (തിരുത്തി) തുടങ്ങിയവർ സംബന്ധിച്ചു. പ്രതിസന്ധി ഘട്ടങ്ങളെ അതിജീവിച്ച് വിജയക്കൊടി പാറിച്ച വിദ്യാർത്ഥികളെ ചടങ്ങിൽ പങ്കെടുത്തവർ അഭിനന്ദിച്ചു