ഭക്ഷണം തൊണ്ടയില്‍ കുടുങ്ങി വീട്ടമ്മക്ക് ദാരുണാന്ത്യം

പാലക്കാട് ഭക്ഷണം തൊണ്ടയില്‍ കുടുങ്ങി വീട്ടമ്മ മരിച്ചു. ഇന്നലെ വൈകിട്ടായിരുന്നു സംഭവം. ചാത്തമംഗലം വടക്കേക്കാട് ചെല്ലന്റെ ഭാര്യ സുഭദ്രയാണ് (67) മരിച്ചത്. 

ഭക്ഷണം കഴിച്ചുകൊണ്ടിരുന്നപ്പോള്‍ വിക്കുകയും, ശ്വാസം കിട്ടാതെയാവുകയും ചെയ്തതിനെ തുടർന്ന് കുഴഞ്ഞു വീഴുകയായിരുന്നു. ഉടൻ തന്നെ നെന്മാറ സാമൂഹികാരോഗ്യ കേന്ദ്രത്തില്‍ എത്തിച്ചുവെങ്കിലും ജീവൻ രക്ഷിക്കാൻ ആയില്ല.  ശ്വാസനാളത്തില്‍ ഭക്ഷണം പോയതാണ് മരണ കാരണം.