തിരൂരിൽ മദ്യപിച്ച് സ്കൂൾവാഹനം ഓടിച്ചഡ്രൈവറെ പിടികൂടി. | കുട്ടികളെ അതേ വാഹനത്തിൽ ഡ്രൈവ്ചെയ്ത് വീട്ടിലെത്തിച്ച് MVD ഉദ്യോഗസ്ഥൻ.

തിരൂർ: തലക്കടത്തൂരിനു സമീപം എംവിഡി‌ നടത്തിയ വാഹനപരിശോധനയ്ക്കിടെ  മദ്യപിച്ചും നിരോധിത പുകയില ഉൽപ്പന്നങ്ങൾ ഉപയോഗിച്ചും സ്കൂൾ ട്രിപ്പ് വാഹനം ഓടിച്ച  ഡ്രൈവറെ  പിടികൂടി. തുടർന്ന് തിരൂർ സബ് ആർടി ഓഫീസിലെ എ എം വി ഐയായ അരുൺ മുഹമ്മദ് ഷാ അതേ വാഹനം ഓടിച്ച് കുട്ടികളെ വീടുകളിലെത്തിക്കുകയായിരുന്നു.  

ഡ്രൈവറുടെ ലൈസൻസ് റദ്ദാക്കാൻ വേണ്ട നടപടികൾ സ്വീകരിക്കുമെന്നും  സമാനമായ പരിശോധനകളും കർശനനടപടികളും തുടരുമെന്നും തിരൂർ ജോയിന്റ് ആർ ടി ഓ സാജു ബക്കർ അറിയിച്ചു. എഎംവിഐമാരായ മഹേഷ് പി, വിഷ്ണുപ്രസാദ്, സ്വാതി ദേവ്, വിപിൻ എന്നിവരാണ് പരിശോധനയിൽ പങ്കെടുത്തത്.