മനസ്സിനെ വല്ലാതെ മരവിപ്പിക്കുന്ന ഒരു വാർത്തയാണ് തിരുവനന്തപുരത്തുനിന്നും പുറത്തുവരുന്നത്. തിരുവനന്തപുരം യൂണിവേഴ്സിറ്റി കോളേജിലെ അസിസ്റ്റന്റ് പ്രൊഫസറായ പൂർണിമ ജെ. പ്രകാശിനെ (45) താമസസ്ഥലത്ത് മ*രിച്ച നിലയിൽ കണ്ടെത്തിയത് നടുക്കത്തോടെയാണ് കേരളം കേട്ടത്. ദിവസങ്ങളോളം പഴക്കമുള്ളതായിരുന്നു ആ മൃത*ദേഹം എന്ന വിവരമാണ് ഇപ്പോൾ പുറത്തുവരുന്നത്.
മരണത്തിലേക്ക് നീണ്ട നിശബ്ദ ദിവസങ്ങൾ
ആലപ്പുഴ സ്വദേശിനിയായ പൂർണിമ ജെ. പ്രകാശ് പൂജപ്പുര ചാടിയറ ലൈനിലെ ഒരു വീട്ടിലാണ് താമസിച്ചിരുന്നത്. കുറച്ചുകാലമായി അവധിയിലായിരുന്ന അധ്യാപികയുടെ അവധി ബുധനാഴ്ചയോടെ അവസാനിച്ചിരുന്നു. എന്നാൽ അവധി കഴിഞ്ഞിട്ടും കോളേജിൽ ജോലിക്കെത്താത്തതിനെ തുടർന്ന് സഹപ്രവർത്തകർക്ക് സംശയം തോന്നി. തുടർന്ന് അവർ വിവരങ്ങൾ അന്വേഷിക്കാനായി പൂർണിമയുടെ വീട്ടിലേക്ക് നേരിട്ടെത്തുകയായിരുന്നു.
വീടിന്റെ പരിസരത്ത് എത്തിയപ്പോൾ തന്നെ കനത്ത ദുർഗന്ധം അനുഭവപ്പെട്ടതിനെ തുടർന്ന് സഹപ്രവർത്തകർ ഉടൻ തന്നെ പൂജപ്പുര പോലീസിൽ വിവരമറിയിച്ചു. സ്ഥലത്തെത്തിയ പോലീസ് സംഘം വീടിന്റെ വാതിൽ തുറന്ന് നടത്തിയ പരിശോധനയിലാണ് അഴുകിയ നിലയിൽ പൂർണിമയുടെ മൃതദേഹം കണ്ടെത്തിയത്. മൃതദേഹത്തിന് ഏകദേശം അഞ്ചു ദിവസത്തെയെങ്കിലും പഴക്കമുണ്ടെന്നാണ് പ്രാഥമിക നിഗമനം.
ബന്ധുക്കളില്ലാത്ത ഏകാന്ത ജീവിതം
അവിവാഹിതയായിരുന്ന പൂർണിമയ്ക്ക് അടുത്ത ബന്ധുക്കൾ ആരും തന്നെ ജീവിച്ചിരിപ്പില്ലെന്നാണ് ലഭിക്കുന്ന വിവരം. മരണകാരണം എന്താണെന്നത് സംബന്ധിച്ച് ഇതുവരെയും ഔദ്യോഗിക വിവരങ്ങൾ ഒന്നും തന്നെ പുറത്തുവന്നിട്ടില്ല. പോലീസിന്റെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിരിക്കുകയാണ്.
കോളേജിലെ പ്രിയപ്പെട്ട അധ്യാപികയുടെ അപ്രതീക്ഷിതവും ദാരുണവുമായ വിയോഗത്തിന്റെ ഞെട്ടലിലാണ് സഹപ്രവർത്തകരും വിദ്യാർത്ഥി സമൂഹവും

إرسال تعليق
Thanks