കേരള മുഖ്യമന്ത്രി പ്രഖ്യാപനം വന്നില്ല; ചേരിതിരിഞ്ഞുള്ള പ്രതിഷേധം അവസാനിപ്പിക്കാൻ ഹൈക്കമാൻഡ് നിർദ്ദേശം

ന്യൂദൽഹി: കേരളത്തിൻ്റെ പുതിയ മുഖ്യമന്ത്രിയെ സംബന്ധിച്ച അന്തിമ തീരുമാനം ഇന്നുണ്ടാകില്ല. എ.ഐ.സി.സി ആസ്ഥാനത്ത് നടന്ന സുദീർഘമായ ചർച്ചകൾക്ക് ശേഷം പ്രഖ്യാപനം നാളത്തേക്ക് മാറ്റിയതായി കോൺഗ്രസ് നേതൃത്വം അറിയിച്ചു.

ഖാർഗെയും രാഹുലും തീരുമാനിക്കും

മുഖ്യമന്ത്രി സ്ഥാനത്തേക്ക് ആര് വരണമെന്നത് സംബന്ധിച്ച് മല്ലികാർജുൻ ഖാർഗെയും രാഹുൽ ഗാന്ധിയും ചേർന്ന് അന്തിമ തീരുമാനമെടുക്കും. സംസ്ഥാന നേതാക്കളുമായി ഹൈക്കമാൻഡ് പ്രതിനിധികൾ ഒറ്റയ്ക്കൊറ്റയ്ക്ക് ചർച്ചകൾ പൂർത്തിയാക്കി.

ഹൈക്കമാൻഡ് കൈക്കൊള്ളുന്ന ഏത് തീരുമാനവും അംഗീകരിക്കുമെന്ന് വി.ഡി. സതീശൻ, കെ.സി. വേണുഗോപാൽ, രമേശ് ചെന്നിത്തല എന്നിവർ സംയുക്തമായി വ്യക്തമാക്കി.