പാളം മുറിച്ച് കടക്കുന്നതിനിടെ ട്രെയിനിടിച്ച് ആറാം ക്ലാസ് വിദ്യാർഥിക്ക് ദാരുണാന്ത്യം

  പരപ്പനങ്ങാടി: റെയിൽവേ പാളം മുറിച്ച് കടക്കുന്നതിനിടെ ആറാം ക്ലാസ് വിദ്യാർഥി ട്രെയിൻ‌ തട്ടി മരിച്ചു. ചെട്ടിപ്പടി കോയംകുളത്ത് താമസിക്കുന്ന പുതിയ നാലകത്ത് ഫൈസലിന്‍റെ മകൻ അമീൻഷാ (11) ആണ് മരിച്ചത്.

ശനിയാഴ്ച വൈകിട്ടായിരുന്നു അപകടം. വീട്ടിൽ നിന്ന് ബന്ധു വീട്ടിലേക്ക് പോകാനായി പാളം മുറിച്ച് കടക്കുന്നതിനിടെയാണു കുട്ടി അപകടത്തിൽ പെട്ടത്.