ഇസ്രായിൽ കൂട്ടക്കുരുതിക്കെതിരെ ഗസ്സൻ ജനതക്ക് ഐക്യദാർഢ്യവുമായി പാലത്തിങ്ങലിൽ റാലി നടത്തി.

പരപ്പനങ്ങാടി:അധിനിവേശ ഭീകരരിൽ നിന്നും സ്വന്തം മാതൃരാജ്യത്തിന്റെ സ്വാതന്ത്ര്യം തിരിച്ചുപിടിക്കാൻ  ജീവന്മരണ പോരാട്ടം നടത്തുന്ന ഗസ്സയിലെ പോരാളികൾക്ക് ഐക്യദാർഢ്യം പ്രഖ്യാപിച്ച് കൊണ്ട്   പാലത്തിങ്ങൽ  ബി ടീം സൗഹൃദ കൂട്ടായ്മയുടെ നേതൃത്വത്തിൽ 

പാലത്തിങ്ങൽ ടൗണി ൽ നൂറുകണക്കിന് ആളുകൾ പങ്കെടുത്ത  ഐക്യദാർഢ്യ റാലി നടത്തി.  ബി. ടീം സൗഹൃദ കൂട്ടായ്മ ചെയർമാൻ ഡോ: എം എ കബീറിന്റെ നേത്രത്വത്തിൽ നടന്ന റാലി  കൈരളി മ്യൂസിക് പ്രാഗ്രാം ഡയറക്ടർ ജ്യോതി ഉദ്ഘാടനം ചെയ്തു. പാലത്തിങ്ങൽ അങ്ങാടിയിൽ നടന്ന സമാപന പരിപാടിയിൽ 

അഷറഫ് കുന്നുമ്മൽ ,  കെ .എം .ഷാഫി,ചെമ്പൻ ഷഫീക്ക്, സുബ്രമണ്യൻ പാലത്തിങ്ങൽ,കടവത്ത് സൈദലവി , ഡോ: ഹാറൂൺ റഷീദ്, വിനോദ്, മൂഴിക്കൽ കരീംഹാജി പ്രസംഗിച്ചു. സേവ് ഗസ്സ എന്നെഴുതിയ റിബ്ബൺ കെട്ടിയും ഷാൾ അണിഞ്ഞും നടന്ന റാലിക്ക് ബി ടീം ലീഡേഴ്‌സ്, സാമൂഹ്യ-സാംസ്കാരിക പ്രവർത്തകർ , പൗരപ്രമുഖർ 

എന്നിവർ  നേത്രത്വം നൽകി.

റിപ്പോർട്ട്:

അഷ്റഫ് കളത്തിങ്ങൽ പാറ.