മര്‍ദ്ദനം വെളിപ്പെടുത്തിയ നാലാം ക്ലാസുകാരിക്ക് നേരെ വീണ്ടും ആക്രമണ ശ്രമം

ആലപ്പുഴ: പിതാവും രണ്ടാനമ്മയും നടത്തിയ ആക്രമണത്തിൻ്റെ വിവരങ്ങൾ കുറിച്ച നാലാം ക്ലാസുകാരിക്ക് നേരെ വീണ്ടും ആക്രമണത്തിന് ശ്രമം. ഇന്നലെയാണ് ആക്രമണത്തിന് ശ്രമം നടന്നത്. സ്വന്തം വീടിന് തൊട്ടടുത്ത വീട്ടിലായിരുന്നു കുട്ടിയും പിതാവിന്റെ മാതാവും ഉണ്ടായിരുന്നത്. 

ഈ സമയത്ത് ഒളിവിലുള്ള പിതാവ് അൻസാർ വീട്ടിലെത്തി. തുടർന്ന് അയൽവീട്ടിലെത്തി കുട്ടിയെ ആക്രമിക്കാൻ ശ്രമിക്കുകയായിരുന്നു. കുട്ടിയുടെ വെളിപ്പെടുത്തലുകളുടെ അടിസ്ഥാനത്തിൽ പോലിസ് രജിസ്റ്റർ ചെയ്ത‌ കേസിലെ പ്രതികളായ അൻസാറും ഭാര്യ ഷെഫ്‌നയും ഒളിവിലാണ്.