നന്നമ്പ്രയിൽ റോഡുകളുടെ ശോചനീയാവസ്ഥയ്ക്കെതിരെ പിഡിപി പ്രതിഷേധ ധർണ

നന്നമ്പ്ര: നന്നമ്പ്രയിലെ റോഡുകളുടെ ശോചനീയാവസ്ഥ പരിഹരിക്കാത്തതിൽ പ്രതിഷേധിച്ച് പിഡിപി നന്നമ്പ്ര പഞ്ചായത്ത് കമ്മിറ്റിയുടെ നേതൃത്വത്തിൽ നന്നമ്പ്ര പഞ്ചായത്ത് ഓഫീസിന് മുന്നിൽ പ്രതിഷേധ ധർണ സംഘടിപ്പിച്ചു. റോഡുകളുടെ ദുരവസ്ഥ മൂലം യാത്രക്കാർ, വിദ്യാർത്ഥികൾ, പ്രദേശവാസികൾ എന്നിവർക്ക് കടുത്ത ബുദ്ധിമുട്ടുകൾ നേരിടേണ്ടി വരുന്നതായി കമ്മിറ്റി ചൂണ്ടിക്കാട്ടി. 

പ്രതിഷേധ ധർണയിലൂടെ, റോഡുകളുടെ അറ്റകുറ്റപ്പണികൾ ഉടൻ നടപ്പാക്കണമെന്നും, പഞ്ചായത്ത് അധികൃതർ ഉടനടി നടപടി സ്വീകരിച്ച് ജനങ്ങളുടെ യാത്രാദുരിതം പരിഹരിക്കണമെന്നും പിഡിപി കമ്മിറ്റി ആവശ്യപ്പെട്ടു.