വിറക് ശേഖരിക്കുന്നതിനിടെ മരത്തിന്റെ കൊമ്പ് തലയിൽ വീണ് സ്കൂൾ വിദ്യാർത്ഥിനി മരിച്ചു

തിരുവനന്തപുരം: റബ്ബർ മരത്തിന്റെ കൊമ്പ് ഒടിഞ്ഞു തലയിൽ വീണ് സ്കൂൾ വിദ്യാർത്ഥിനിക്ക് ദാരുണാന്ത്യം. കുളത്തൂർ മൂർക്കനാട് പഞ്ചായത്തിലെ പതിനൊന്നാം വാർഡിൽ പുന്നക്കാട് താമസിക്കുന്ന ചേരങ്ങത്തൊടി സലീമിന്റെ മകൾ സൻഹ ഫാത്തിമ (12) ആണ് മരണപ്പെട്ടത്.

വളപുരം ജി.എം.യു.പി സ്കൂളിലെ ഏഴാം ക്ലാസ് വിദ്യാർത്ഥിനിയാണ്. ​റബ്ബർ തോട്ടത്തിൽ വിറക് ശേഖരിക്കുന്നതിനിടെ അപ്രതീക്ഷിതമായി റബ്ബർ മരത്തിന്റെ ഉണങ്ങിയ കൊമ്പ് ഒടിഞ്ഞു സൻഹയുടെ തലയിൽ പതിക്കുകയായിരുന്നു.