തിരൂരങ്ങാടി: സംസ്ഥാനത്തെ പോലീസ് സ്റ്റേഷനുകളെ 'മൈ പോലീസ് സ്റ്റേഷൻ' പദ്ധതിയിലേക്ക് മാറ്റുന്നതിന്റെ ഭാഗമായി തിരൂരങ്ങാടി സർക്കിൾ ഇൻസ്പെക്ടറായി (സി.ഐ) ബി. പ്രദീപ് ചുമതലയേറ്റു. നേരത്തെ തിരൂരങ്ങാടിയിൽ സ്റ്റേഷൻ ഹൗസ് ഓഫീസറായി (എസ്.എച്ച്.ഒ) സേവനമനുഷ്ഠിച്ചിരുന്നു.
സംസ്ഥാനത്തുടനീളം 210 സർക്കിൾ ഓഫീസുകൾ പുനരാരംഭിക്കുന്നതിന്റെ ഭാഗമായാണ് തിരൂരങ്ങാടിയിലും സർക്കിൾ ഓഫീസ് തുറന്നിട്ടുള്ളത്. തിരൂരങ്ങാടി, പരപ്പനങ്ങാടി പോലീസ് സ്റ്റേഷനുകളാണ് ഈ സർക്കിളിന്റെ പരിധിയിൽ വരുന്നത്.
'മൈ പോലീസ് സ്റ്റേഷൻ' സംവിധാനം നിലവിൽ വന്നതോടെ സ്റ്റേഷനുകളുടെ ചുമതല എസ്.ഐമാർക്ക് നൽകുകയും അവരെ സ്റ്റേഷൻ ഹൗസ് ഓഫീസർമാരായി (എസ്.എച്ച്.ഒ) നിയമിക്കുകയും ചെയ്തിരുന്നു. ഇതിനെത്തുടർന്നാണ് മുൻപ് നിർത്തലാക്കിയിരുന്ന സർക്കിൾ ഓഫീസുകൾ പുനഃസംഘടിപ്പിച്ച് പ്രവർത്തനം ആരംഭിച്ചിട്ടുള്ളത്.
പുതിയ മാറ്റത്തോടെ പ്രദേശത്തെ ക്രമസമാധാന പാലനവും പോലീസ് സേവനങ്ങളും കൂടുതൽ കാര്യക്ഷമമാകുമെന്നാണ് പ്രതീക്ഷിക്കുന്നത്.
റിപ്പോർട്ട്:
അഷ്റഫ് കളത്തിങ്ങൽ പാറ
9744663366
إرسال تعليق
Thanks