കോഴിക്കോട് : കേരളം ഉള്പ്പെടെ ഇന്ത്യയിലെ വ്യത്യസ്ത സംസ്ഥാനങ്ങളിലും വിദേശരാജ്യങ്ങളിലുമായി 10000ലേറെ മദ്രസകളെ നിയന്ത്രിക്കുന്ന സമസ്ത കേരള സുന്നി വിദ്യാഭ്യാസ ബോര്ഡിന്റെ പരിഷ്കരിച്ച ലോഗോ പ്രകാശനം ചെയ്തു. വിവിധ സംസ്ഥാനങ്ങളിലായി അദ്ധ്യായനം നടത്തുന്ന ലക്ഷക്കണക്കിന് വിദ്യാര്ത്ഥികളെ കുറിച്ചുള്ള വിദ്യാഭ്യാസ ബോര്ഡിന്റെ കാഴ്ചപ്പാടുകളും വ്യക്തിത്വവും മൂല്യങ്ങളും പ്രതിഫലിക്കുന്ന തരത്തില് ആവിഷ്കരിച്ചിരിക്കുന്ന ലോഗോ സുന്നി മാനേജ്മെന്റ് അസോസിയേഷന് സംസ്ഥാന പ്രതിനിധി സമ്മേളനത്തില് വച്ച് വിദ്യാഭ്യാസ ബോര്ഡ് പ്രസിഡന്റ് സയ്യിദ് അലി ബാഫഖി തങ്ങള് പ്രകാശനം ചെയ്തു.
ചടങ്ങില് വിദ്യാഭ്യാസ ബോര്ഡ് സെക്രട്ടറി പ്രൊഫസര് എ കെ അബ്ദുല് ഹമീദ് സാഹിബ്, സയ്യിദ് ഷറഫുദ്ദീന് ജമലുല്ലൈലി തങ്ങള്, ഹബീബ് കോയ തങ്ങള് ചരക്കാപറമ്പ്, അബ്ദുറഹ്മാന് ഫൈസി മാരായമംഗലം, ബി.എസ് അബ്ദുള്ള കുഞ്ഞി ഫൈസി, സയ്യിദ് സൈനുല് ആബിദ് ജീലാനി, പി കെ എം സഖാഫി ഇരിങ്ങല്ലൂര്, അലി ബാഫഖി ആറ്റുപുറം, മജീദ് കക്കാട്, അബ്ദുല് ഖാദര് മദനി പള്ളങ്കോട് തുടങ്ങിയവര് പങ്കെടുത്തു.
Post a Comment
Thanks