തായിഫ്: തിരൂരങ്ങാടി പന്താരങ്ങാടി പാറപ്പുറം സ്വദേശി പൂവത്തിങ്ങൽ മൂലത്തിൽ ഇസ്മായിൽ കുട്ടി ഹാജിയുടെ മകൻ യൂസഫ് ഹാജി (68) ഉംറ നിർവഹിക്കാനെത്തി തായിഫിൽ നിര്യാതനായി. ഭാര്യക്കും മകൾക്കുമൊപ്പം സ്വകാര്യ ഗ്രൂപ്പിൽ ഉംറ നിർവഹിച്ച ശേഷം ഞായറാഴ്ച തായിഫിലെ ചരിത്ര സ്ഥലങ്ങൾ സന്ദർശിക്കവേ മസ്ജിദ് ഇബ്നു അബ്ബാസിൽ ദേഹാസ്വാസ്ഥ്യം അനുഭവപ്പെട്ടു. ഉടൻ തായിഫിലെ കിങ് അബ്ദുൽ അസീസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഇന്നലെ അസർ നമസ്കാരത്തിന് ശേഷം തായിഫ് ഇബ്നു അബ്ബാസ് മസ്ജിദ് ഖബർസ്ഥാനിൽ മയ്യിത്ത് മറവ് ചെയ്തു. നിയമനടപടികൾ പൂർത്തിയാക്കാൻ തായിഫ് കെ.എം.സി.സി പ്രസിഡന്റ് മുഹമ്മദ് സാലിഹും അക്ബർ ട്രാവൽസ് ജീവനക്കാരൻ മുഹമ്മദ് സിദ്ദീഖും നേതൃത്വം നൽകി.
മയ്യിത്ത് നമസ്കാരത്തിലും ഖബറടക്ക ചടങ്ങിലും കെ.എം.സി.സി പ്രവർത്തകർ, പരേതന്റെ ബന്ധുക്കൾ, നാട്ടുകാർ, ഉംറ സംഘത്തിലെ അമീറുമാർ തുടങ്ങി നിരവധി പേർ പങ്കെടുത്തു.
ഭാര്യ: സഫിയ ഇല്ല്യാന്‍. മക്കള്‍: ഇസ്മായില്‍, ബദ്രുന്നിസ, ഷറഫുന്നിസ, അനസ്. മരുമക്കള്‍: സജീറ കോനാരി, ഹബീബ് റഹ്‌മാന്‍ ചീരന്‍കുളങ്ങര, അബ്ദുല്‍ ഗഫൂര്‍ പുതുക്കുടിയില്‍, നജ ഫാത്തിമ തറയില്‍. സഹോദരന്മാര്‍: മുഹമ്മദ് ഹാജി, അവറാന്‍ കുട്ടി ഹാജി, അബൂബക്കര്‍ ഹാജി, ഹസ്സന്‍ ഹാജി, അബ്ദു റസാക്ക് ഹാജി
Post a Comment
Thanks