വീടിന്റെ സമീപത്തെ തോട്ടത്തിൽ പൊട്ടിവീണ വൈദ്യുതി കമ്പിയിൽ നിന്ന് ഷോക്കേറ്റ് വായോദികൻ മരണപ്പെട്ടു.

കൊണ്ടോട്ടി: കെഎസ്ഇബിയുടെ അനാസ്ഥ കാരണം ഇന്ന് ഒരു മണിക്ക് നീറാട് സ്വദേശി മുഹമ്മദ്ഷ ലൈനിൽ നിന്നും ഷോക്കേറ്റ് മരിച്ചു.

ഇന്നലെ രാത്രി പൊട്ടി വീണ വൈദ്യുതിലൈൻ രാത്രി തന്നെ ഫോണിൽ വിവരം അറിയിച്ചിട്ടുണ്ട്. പക്ഷേ ഇന്ന് ഒരു മണിവരെ ഓഫ് ആക്കാത്തതാണ് അബദ്ധത്തിൽ ഇയാൾ ലൈനിൽ തട്ടി മരണപ്പെടാൻ കാരണമായത്.

കൊണ്ടോട്ടി നീറാട് സ്വദേശി മങ്ങാട്ട് മുഹമ്മദ് ഷാ (58) പൊട്ടിവീണ വൈദ്യുതി ലൈനിൽ നിന്ന് ഷോക്കേറ്റ് മരിച്ചു. വീടിന്റെ പിന്നിലെ തോട്ടത്തിൽ വെച്ച് ഇന്ന് ഉച്ചയ്ക്ക് ഒരു മണിയോടെയാണ് ദാരുണമായ സംഭവം നടന്നത്.

മുഹമ്മദ് ഷായെ തോട്ടത്തിൽ നിലത്ത് വീണുകിടക്കുന്ന നിലയിൽ വീട്ടുകാർ കണ്ടെത്തുകയായിരുന്നു. ഉടൻതന്നെ നാട്ടുകാരെ വിവരമറിയിക്കുകയും ആശുപത്രിയിൽ എത്തിക്കുകയും ചെയ്‌തെങ്കിലും ജീവൻ രക്ഷിക്കാനായില്ല.