സ്വകാര്യ ബസ് അമിതവേഗത്തിലാണോ? ഗതാഗതനിയമങ്ങള്‍ ലംഘിക്കുന്നോ? യാത്രക്കാരന് മൊബൈലിലൂടെ പരാതിപ്പെടാം

സ്വകാര്യ ബസ് അമിതവേഗത്തിലാണോ? ഗതാഗതനിയമങ്ങള്‍ ലംഘിക്കുന്നെങ്കില്‍ യാത്രക്കാരന് അപ്പോള്‍ത്തന്നെ മൊബൈലിലൂടെ മോട്ടോർവാഹനവകുപ്പില്‍ പരാതിപ്പെടാം.ബസ് സർവീസ് നടത്തുന്ന ജില്ലയിലെ എൻഫോഴ്‌സ്‌മെന്റ് ആർടിഒയുടെ നമ്ബർ ഡ്രൈവറുടെ സീറ്റിന് പിന്നില്‍ പ്രദർശിപ്പിക്കും.

വാട്‌സാപ്പിലേക്ക് നിയമലംഘനങ്ങളുടെ ചിത്രങ്ങളും വീഡിയോകളും അയച്ചുനല്‍കാം. ബസ് ഉടമയുടെ നമ്ബരുമുണ്ടാവും. ഉടമയോട് ഫോണില്‍ വിളിച്ച്‌ പരാതിപ്പെടാം. വാട്‌സാപ്പില്‍ അയച്ചുകിട്ടുന്ന വീഡിയോകളുടെയും ചിത്രങ്ങളുടെയും ആധികാരികത ആദ്യം പരിശോധിക്കും. തുടർന്ന് നിയമലംഘനം അനുസരിച്ച്‌ പിഴയോ കടുത്തനടപടികളോ സ്വീകരിക്കുമെന്ന് മോട്ടോർവാഹനകുപ്പ് ഉദ്യോഗസ്ഥർ അറിയിച്ചു.

ഘട്ടംഘട്ടമായി പദ്ധതി നടപ്പാക്കും. വാർഷിക പരിശോധനയ്ക്ക് ബസ് എത്തിക്കുമ്ബോള്‍ നമ്ബരെഴുതിയ സ്റ്റിക്കറുകളും പതിപ്പിക്കും. ഇങ്ങനെ സ്റ്റിക്കറുകള്‍ വാഹനവകുപ്പ് ഉദ്യോഗസ്ഥർ പതിപ്പിച്ചുതുടങ്ങിക്കഴിഞ്ഞു. ബസുകളുടെ മത്സരയോട്ടവും മൊബൈലില്‍ സംസാരിച്ചുകൊണ്ട് വാഹനം ഓടിക്കുന്നതും വർധിച്ച സാഹചര്യത്തില്‍ മന്ത്രി കെ.ബി.ഗണേഷ്‌കുമാർ വിളിച്ചുചേർത്ത മോട്ടോർവാഹനവകുപ്പ് ഉദ്യോഗസ്ഥരുടെ യോഗത്തിലാണ് തീരുമാനം.

ജില്ലാ എൻഫോഴ്‌സ്‌മെന്റ് ആർടിഒ നമ്പർ

തിരുവനന്തപുരം-9188961001

കൊല്ലം-9188961002

പത്തനംതിട്ട-9188961003

ആലപ്പുഴ-9188961004

കോട്ടയം-9188961005

ഇടുക്കി-9188961006

എറണാകുളം-9188961007

തൃശ്ശൂർ-9188961008

പാലക്കാട്-9188961009

മലപ്പുറം-9188961010

കോഴിക്കോട്-9188961011

വയനാട്-9188961012

കണ്ണൂർ-9188961013

കാസർകോട്-9188961014

പദ്ധതി ആദ്യം നടപ്പാക്കിയത് കെഎസ്‌ആർടിസി ബസുകളിലാണ്. 9188619380 എന്ന വാട്സാപ്പ് നമ്ബരാണ് അതിന് നല്‍കിയിട്ടുള്ളത്. 

24 മണിക്കൂറും ജനങ്ങള്‍ക്ക് പരാതി നല്‍കാം.