മൊബൈല്‍ ഫോണ്‍ വഴി സന്ദേശങ്ങള്‍ അയച്ചും വിളിച്ചും വിദ്യാർഥികളുടെ അമ്മമാരെ ശല്യംചെയ്യല്‍ പതിവാക്കിയ സ്വകാര്യ സ്കൂള്‍ ബസ് ഡ്രൈവർ പിടിയില്‍. എടപ്പാള്‍ കോലളമ്ബ് മാരാത്തുവളപ്പില്‍ എം.വി. വിഷ്ണു വാണ് (30) പെരുമ്ബടപ്പ് പൊലീസിന്റെ പിടിയിലായത്.
മാറഞ്ചേരി സ്വദേശിനി നല്‍കിയ പരാതിയിലാണ് അറസ്റ്റ്.അയിലക്കാട് സ്വകാര്യ സ്കൂളില്‍ ഡ്രൈവറായിരുന്ന വിഷ്ണു ബസില്‍ വരുന്ന വിദ്യാർഥികളുടെ അമ്മമാരുടെ ഫോണിലേക്ക് രാത്രിയിലും മറ്റുമായി അശ്ലീല സന്ദേശങ്ങള്‍ ഉള്‍പ്പെടെ അയച്ചും വിളിച്ചും ശല്യം ചെയ്യുകയായിരുന്നു.
രക്ഷിതാക്കളുടെ പരാതിയില്‍ വിഷ്ണുവിനെ അയിലക്കാട്ടെ സ്വകാര്യ സ്കൂളില്‍നിന്ന് ഡ്രൈവർ സ്ഥാനത്തു നിന്ന് പുറത്താക്കിയിരുന്നു. ജൂണ്‍ മുതല്‍ ഇയാള്‍ മറ്റൊരു സ്കൂളില്‍ ഡ്രൈവറായി ജോലിയില്‍ പ്രവേശിച്ചു. വിഷ്ണുവിനെ പെരുമ്ബടപ്പ് പൊലീസ് അറസ്റ്റ് ചെയ്തത് അറിഞ്ഞതോടെ കൂടുതല്‍ പരാതികള്‍ വരുന്നുണ്ട്.
Post a Comment
Thanks